دگەل هاتنا وەرزێ پایزێ و نزمبوونا پلێن گەرمیێ، ژینگەهەکا گونجای بۆ ڤایرۆسان پەیدادبیت کو تێدا زێدە ببن و گەشێ بکەن و مە تووشی ڤێ نەخۆشیێ بکەن.
ئەڤ پەژیە دهێتە نیاسین ب بەربەلاڤترین جۆرێ هەودانا سەری یا کۆئەندامێ هەناسەدانی کو پترین جارا ژبەر ڤایرۆسێ (Rhinovirus) پەیدادبیت و نێزیکی ٥-٧ رۆژان بەردەوام دبیت.
نیشانێن پەژیا وەرزی:.
١- تا و لەرز
٢- کوخین و بێهنژینا زێدە
٣- سەرئێشان و ئێشانا گەورییێ
٤-نەمانا هەستێ بهێنکرنێ
٥-بهێنتەنگی و نە ئارامیا سینگی
چارەسەری ل مالێ..
١- بهێنڤەدان و خۆ نەوەستاندن
٢-گەلەك ڤەخارنا ئاڤێ و شلەمەنیا
٣-خوارنا فێقیێن تژی ڤیتامین ب تایبەت ڤیتامین C وەکی (پرتەقال ، لیمۆک و کیڤی…هتد)
٤-ب کارئینانا حەبکێن مسەکن وەک پاراسیتامۆل بۆ ئێشانێ و هەروەسا بۆ تایێ ژی ل دەمێ پێدڤی .
🛑رێکێن خۆپاراستنێ…؟
✅ دەستشووشتن ب شێوەیەکێ بەردەوام و دەست نەدان ل سەر و چاڤان
✅بەرئێک نەکەفتنا راستەوخۆ و نێزیک نەبوونا دگەل کەسێن توشبووی
✅بهێزکرنا سیستەمێ بەرگری یا لەشی ب رێکا خەوەکا رێک و پێک و خارنەکا ساخلەم.
کەنگی دێ سەرەدانا نۆشدارێ تایبەتمەند بکەین..؟
🔸ئەگەر نیشان پتر ژ ٧-١٠ رۆژا بەردەوام بوون.
🔸ئەگەر بهێن تەنگیەکا زێدە دگەل بوو.
🔸ئەگەر نیشان گەلەك بهێز بوون یان ژی خراپتر لێهاتن
🔸ل زارۆکا یانژی کەسێن دانعەمر ب تایبەت ئەوێن نەخۆشیێن دەمدرێژ هەی وەکی (تەنگەنەفەسی (رەبۆ)، سوکەری، نەخۆشیێن دلی)
🔸دەمێ پلێن گەرمیێ نەهێنە خوار بۆ کێمتر ژ 38.5 C پشتی بکارئینانا پاراستیتامۆلێ یانژی رێکێن دی بۆ کێمکرنا تایێ وەکی پاتەیێن تەر.
تێبینی:. خۆ پارێزن ژ بکارئینانا حەبک یان دەرزیێن دژە بەکتریا وەکی (ئەمۆکسیلین ، سیفترایکزۆن و هەروسا دەرزیێن تێکەل یانژی هەر دەرزیەکا دی بێ ئامۆژگاریا نۆشدارێ تایبەتمەند ) چونکی ئەڤ نەخۆشیە پتریا جارا ڤایرۆسە و نە بەکتریایە و ئەڤ حەبك و دەرزیە گەلەک جاران ل جهێ مفای زەرەر و زیانێن مەزن دگەهیننە ساخلەمیا نەساخی .
هیڤیا سەلامەتیێ بۆ هەمیان .