شێخان میدیا
ب بۆنەیا دەربازبوونا دوو ساڵان سەر کار و خەباتا تۆرا میدیایی یا شێخان میدیا، ڕێزدار فەرهاد میكائیل، ڕێڤەبەرێ پەروەردا شێخان، پەیامەکا پڕ ژ نرخاندن و دەستخۆشی بەلاڤ کر و ڕۆلێ ڤێ دەزگەها میدیایی ل دەڤەرێ بلند نرخاند.
ڕێڤەبەرێ پەروەردا شێخان د گوتارا خۆ دا تەکەزی ل سەر وی چەندی کر کو شێخان میدیا د ڤان دوو ساڵێن کارێ خۆ دا، شیایە جهەکێ تایبەت ل دەڤەرێ بگرێت، و دیار کر: “رۆلێ وان ل دەڤەرێ گەلەك گرنگە و تایبەت د بوارێ پێشڤەبرنا پێكڤەژیانێ و لایەنێن جڤاكی دا.” ئەڤ بەحسکرنە نیشان دەرا هندێیە کو میدیا چەند گرنگە بۆ هشیاریا جڤاکی و بهێزکرنا رەوشا ئاشتیێ و پێکڤەژیانێ .
هەروەسان، ل سەر ئاستێ پەروەردەیی، ناڤبری دەستخۆشیەکا گەرم ل تیما شێخان میدیا کر و ئاماژە ب وێ یەکێ دا کو: “هەر وەسان گرنگیەكا مەزن ددەنە کەرتی پەروەردەییێ ب ڕێكا بەرنامەێن خۆ و مێڤانداریا.” ئەڤە ژی ڕەنگڤەدانا هەماهنگیا د ناڤبەرا ناوەندێن پەروەردەیی و دەزگەهێن ڕاگەهاندنێ دا بۆ پتر خزمەتکرنا قوتابی، مامۆستا و پرۆسەیا فێرکرنێ.