شێخان میدیا
شێواندنا دیرۆکێ و ڕویدانان بۆ بەرژەوەندیا تاكی، ئێکە ژ ئەگەرێن تێکچوونا جڤاکی و پەیوەندیێن د ناڤ لەیەنێن وەلاتێ برێڤە دبەن.
ژێدەرێن دیرۆکی تاکە بەلگە نە لسەر راستیا بابەتان و پێزانینێن لسەر هەر ڕویدانەکێ. ئالاڤێن سیاسی و ڕێکێن بکارئینانا وێ د هەمی کاودان و قەیرانان دا، هێزا وی قەبارەیێ سیاسی دیار دکەت و سەنگ و ڕێزگرتنا وی د سەردەریێ خۆیا دکەت.
د دیرۆکا مللەتێ کوردا و خەباتا سیاسی د سالێن بۆری دا، بتنێ بەرژەوەندیا مللەتێ کورد و بزاڤا رزگاریخوازییا کوردی ئارمانجا بارزانیێ نەمر بوو.
هەر ژ دەستپێکا دامەزراندنا دەولەتا عێراقی و تا سەردەمێ عەبدولکەریم قاسم و قۆناغێن دیڤ دا، بارزانیێ نەمر ب دبلوماسیەت و ئەقلانیەت کار دگەل کاودان و کەسایەتیان کریە بۆ بەرژەوەندیا مللەت و دۆزا مللەتێ خۆ.
ب مخابنیڤە، هندەک لایەنێن سیاسی د گۆڕەپانا سیاسی یا کوردستانێ دا ئەڤڕۆ ئەو دیتن و قوربانی دان پشتگوێ هاڤێتیە و بتنێ کار لسەر بەرژەوەندیا خۆ و دەستکەفتێن خۆ دکەن.