شێخان میدیا
ب هەلکەفتا یادا 12 سالیا تاوانێن جینۆسایدا کوردێن ئێزدی
ل دوازدەمین سالیادا جینۆسایدکرنا کوردێن ئێزدی و ب کۆیلەکرنا هەزاران ئافرەتێن ئێزدی ل سەر دەستێ رێکخراوا تیرۆرستی (داعش) ب سەدەمێ کوردبوون و ئێزدیبوونا وان، ئەوی تاوانا قێزون شەرمەزار دکەین.
کۆمەڵکوژیا کوردێن ئێزدی ب هەمی پێوەرێن یاسایی ل سەر ئاستێ خۆمالی و نێڤدەولەتی ب تاوانێن نێڤدەولەتی هژمار دبن و ژ لایێ جڤاکێ نێڤدەولەتی و بەشەک ژ پەرلەمانێن وولاتێن جیهانی وەکی جینۆساید هاتییە ناساندن.
ئەوەیا د ڤێ یادا ناخ هەژین ژی دا ئازاران پتر کوور دکەت، ژ بلی کو ب رابەریا سەرۆک و پێشمەرگەیێ کوردستانێ (جەنابی سەرۆک بارزانی) شەنگالا ڤیانێ ژ تیرۆرستێن (داعش) هاتە پاککرن، لێ هێشتا دانیشتووانا وێ یا رەسەن ئازادانە نەگەڕیاینە زێدێ خۆ و حکوومەتا فیدراڵی یا عێراقێ ژی ب ئەرکێ خۆ یێ یاسایی ڕانەبوویە د سزادانا تاوانباران و قەرەبووکرنا قوربانیان و دابینکەرنا دووبارە نەبوونا تاوانێن وەکو ڤی ل داهاتوویێ.
هەر ل ڤێ یادا ئازاربەخش، جەخت ل سەر جێبەجێکرنا رێککەفتنا شەنگالێ دکەینەوە و پێداگریێ ل سەر مافێ ڕەوایێ کوردێن رەسەن یێن ئێزدی دکەین بۆ پاراستنا ناسنامەیا کەلتووری و ئایینی یا خۆ و دژایەتیا هەر هەولەکێ بۆ تێکدانا دیموگرافیا دەڤەرێ دکەین. دەستخۆشی و پشتهڤانیا خۆ بۆ هەولێن بەردەوام یێن بەڕێز سەرۆکێ هەرێما کوردستانێ و بەڕێز سەرۆکێ حکوومەتا هەرێما کوردستانێ ل گەڕیان و دۆزینەوە و ئازادکرنا ئافرەتێن ب کەنیشەکەکرن یێن ئێزدی و سارێژکرنا بەشەک ژ برین و ئازارێن وان دووپات دکەینەوە.
فراکسیۆنا مە ل ڤێ یادا خەمناک، دووپات دکەتە کو هەوەک چۆن دەستپێشخەر و سەرخەرێن بڕیارا ژمارە (11) یا سالا 2019ێ یا پەرلەمانێ کوردستانێ بووین ل بەجینۆسایدناساندنا ئەوی تاوانی و دیارکرنا ڕۆژا (3)ی تەباخێ یا هەمی سالەکێ ژی وەکی ڕۆژا یادکرنا وێ، ب هەمان شەو دەست و هەولێن کاری پەرلەمانی یێن خۆ دئێخینە گەڕ بۆ زامنکرنا مافێن ڕەوا یێن قوربانیان.
ل کۆتاییێ ژی دووبارە هەوسۆزیا خۆ بۆ قوربانیێن ڤی تاوانی دیار دکەین و سەرێ ڕێز و نەوازشێ بۆ ددانەوێن.
فراکسیۆنا پارتی دیموکراتی کوردستان ل پەرلەمانێ کوردستانێ
