مە خۆ ژبیرکر لەوما ئەم هاتینە ژبیرکرن. نڤیسین ؛سەربەست جەمیل

شێخان میدیا

ژیان پڕە ژ ڕویدان و گوهرینان د هەر دەم و جهەكی دا، گوهرین لدویف گوهرینێ ڕویددەت، ڕەنگە ل وێستگەهەكێ ژیانێ بۆ ماوێ چەندین ساڵان مرۆڤ دناڤا قورخكرن و نەخوشیان و ئاستەنگێن مەزن دا ، دەرباز ببیت، بەلێ پشتی بورینا دەمەكی ئێدی مرۆڤ بگەهیت ویستگەهەكێ ئارام و ئێدی سەختیێت جاران نەبینیت، پرسیارا درست ئەوە چ بهێت كرن دا جارەكادی مرۆڤ نەزڤریتە وێستگەهێ دەستپێكێ یێ پڕ ژ نەخوشی و دەردەسەریا؟

و چەند گرنگە مرۆڤ ژ ڕویدانێن بەریا خۆ وانەیێن مەزن فێرببیت، و دیسان ل هەمان بەر دوو جارا نە هەلنگڤیت، مللەتێ كورد بگشتی د دیروكا كەڤن و هەتا ئەڤرۆ د چەندین قوناغێن پڕ زەحمەتی دا دەرباز بویە، بەلێ هەر جارەكا دگەهشتە كەنارێن ئارامیێێ ، ڕاستەوخۆ خۆ ژبیر دكر و هەر وەكی كەسەك غەریب و بیانی لخۆ و دەورەبەرێن خۆ تەماشە دكەت، و تشتێ ئێكانە كو گەلەك ئەم پاشڤە برین، ئەڤ خۆ ژبیركرنە بویە، و مە دیروكا خۆ بتنێ دناڤا بەرپەرێن پەرتووكا هێلان، مە نەكرنە بەشەك ژ دل و هزر و هەستێن خۆ، هەتا ل دوماهیكێ هەر كەسەكێ بەحسێ دیروكێ ژی بكەت دێهێتە شەرمزاركرن، هەر وەكی كەسەك شێتە و هێشتا ل پشت خۆ دزڤریت، دەما دیروك مر مللەت دمریت، شورەشگێر و خیانەتكار ژێك ناهێنە جوداكرن، و بهایێ دەستپاكی و دەست بخوینی وەكی ئێك دهێتە دان؟؟ ئانكو مەیدان دبیتە دارستان وەك د كوردەواریێ دا دبێژن سلاڤ ل حازریێێ، ئانكو ئەو كەسێ بشێت خۆ بیبیت پێش هەمی تشتە ئەگەر خۆ تشتەك ژی نەبیت! و ئەو كەسێن نەشێن خۆ بینن پێش هیچ تشتەك نینە ئەگەر هەمی تشت ژی بیت! د ئەڤرۆ ڕۆژدا دەما مە بڤێت گلە و گازندەیان بكەین پێدڤیە بەریا هەر تشتەكی ژخۆ بكەین، ژبەركو مە خۆ ژبیركریە لەوما هاتینە ژبیركرن، دەما پسیار ژ پیرێ هاتیە كرن تە عەقل یان تە سەربور ، ئەوێ گوت من سەربور ئەگەر من سەربور وەرگرتن دێ ئاقل ژی بم، بەلێ د ئەڤرۆ دا نە مە عەقل وەرگرت نەك سەربور، لەوما ئەم بوینە سەربور بۆ نفشێ پشت مە دهێت.