ئەنجامێ وەرگرتنا قوتابیان ل زانکۆ و پەیمانگەهێن تایبەت هاتە ڕاگەهاندن.
وەزارەتا خواندنا بلند و ڤەکۆلینێن زانستی ئەنجامێ وەرگرتنا دەرچوویێن 12ێ ئامادەیی ل زانکۆ و پەیمانگەهێن تایبەت یێن هەرێما کوردستانێ بۆ سالا خواندنێ (2025- 2026) ڕادگەهینیت. ڕاگەهاندنا ئەنجامێ وەرگرتنا قوتابیان ل زانکۆ و پەیمانگەهێن تایبەت یێن هەرێما کوردستانێ هەڤدەمە دگەل بریارا وەزارەتا خواندنا بلند و ڤەکۆلینێن زانستی یا تایبەت ب کێمکرنا کرێیا خواندنێ ل زانکۆ و پەیمانگەهێن تایبەت یێن هەرێما کوردستانێ کو سالانە ب ڕێژەیا (10 بۆ 20%) کێم دهێتە کرن، ئەڤە ژی ژ پێخەمەت ل بەر چاڤگرتنا بارێ دارایی یێ وەلاتیێن هەرێما کوردستانێ. پێشکێشکارێن زانکۆ و پەیمانگەهێن تایبەت ل هەرێما کوردستانێ ژ نها وەرە دشێن ب ڕێیا لینکا http://mhe-privatestudy.com ئەنجامێ وەرگرتنا خۆ ل زانکۆ و پەیمانگەهان ب کۆدێ تاقیکرنێن خۆ وەرگرن. وەرگریای پێدڤیە د ماوێ سێ ڕۆژان دا پەیوەندیێ ب جهێ وەرگرتنا خۆ ڤە بکەن، ئەگەر نە، ب پێچەوانەڤە مافێ وەرگرتنا وان د وێ بەشێ دا نامینیت.