ئەگەر تو ل رێگەکا ب سانەهی دگەریێ دا کو ژیانەکا ساخلەمتر و درێژتر هەبیت، دەما تو دگەهیە بەرامبەر ئەسانسۆرێ، باشترە تو پێپۆکان (پلیکانان) بکاربینی کو مەترسیێن تووشبوون ب نەخۆشیێن دل و مرنا بەری وەخت کێم دکەن.
ل دویڤ ڤەکۆلینەکا زانکۆیا “ئیست ئانگلیا” ل بەریتانیا کو ژ لایێ پرۆفیسۆر د. سۆفی پادۆک ڤە هاتیە ئەنجامدان و تێدا شیکاری بۆ ئامارێن زێدەتر ژ 480 هزار کەسان هاتیە کرن کو ژیێ وان د ناڤبەرا 35 بۆ 84 سالیێ دا بوو، دیار بوویە ئەو کەسێن بەردەوام پێپۆکان بکاردئینن، مەترسیا مرنا وان ب ئەگەرێ نەخۆشیێن دل و جەلتەیا مێشکی، ب رێژەیا 39% کێمترە هەڤبەر دگەل وان کەسێن بکارنائینن.
پرۆفیسۆر د. سۆفی پادۆک دبێژیت: “نەخۆشیێن دل ئێک ژ ئەگەرێن سەرەکی یێن مرنێ نە ل جیهانێ، بەلێ دشێت ب رێکا پەیڕەوکرنا شێوازەکێ ژیانێ یێ ساخلەم رێگری لێ بهێتە کرن، بکارئینانا پێپۆکان رێگەکا سادەیە بۆ زێدەکرنا لڤینێ د ژیانا رۆژانە دا”.
سەرەرای مفایێن وێ، پرۆفیسۆر سۆفی شیرەتان دکەت کو بەری ئەنجامدانا ڤێ چالاکیێ راوێژ دگەل پزیشکی بهێتە
کرن، ب تایبەتی بۆ وان کەسێن ئەڤ کێشە ساخلەمیە هەین:
-
نەخۆشیێن دژوار یێن جومگە و ئەژنۆیان
-
کێشەیێن بربرەیا پشتی
-
تەنگە نەفەسی
-
نیشانێن سستبوونا دلی (لاوازبوونا دلی)