ب هەلکەفتا شازدەی ئابێ، سالرۆژا ژدایکبوونا ڕێبەر و سەرکردەیێ مە یێ نشتیمانی و بابێ خۆشتڤی جەنابێ سەرۆک بارزانی و هەشتێیەمین سالیادا دامەزراندنا پارتی دیموکراتی کوردستان، گەرمترین پیرۆزباهییان ل جەنابێ سەرۆکی و بنەمال و کەسۆکارێن سەربەرزێن شەهیدان و ئەنفالکرییان و پێشمەرگەیێن ئازا و قارەمانێن کوردستانێ و ئەندام و لایەنگر و دۆستێن پارتی دیموکراتی کوردستان و هەمی کوردستانییان دکەم.
یادا دامەزراندنا دێرینترین و مەزنترین و ب هێزترین پارتیا کوردستانێ سەر دەستێ ڕێبەرێ دیرۆکی و بابێ روحی یێ گەلێ مە مستەفا بارزانیێ نەمر، ئێکە ژ پرشنگدارترین ڕۆژ و یادێن دیرۆکا گەلێ مە.
پارتی دیموكراتی كوردستان، ل ژێر سێبەر و ڕابەرایەتیا سەرۆک مەسعود بارزانی، بەردەوامیدەرێ ڕێبازا پیرۆزا بارزانیێ نەمرە و یا بەردەوامە ل سەر تۆمارکرنا داستان و دەستکەفتێن مەزن و دیرۆکی کو جیهێ شانازییا هەمی کوردستانییەکێ دلسۆزە.
پارتی و سەرۆک بارزانی، هیڤی و ئۆمێد و جیهێ باوەرییا خەلکێ کوردستانێ نە و گەرەنتیا پاراستن و پێشئێخستنا ئاسایش و سەقامگیرییا قەوارەیێ دەستووری یێ هەرێما کوردستانێ و کلتوورێ پێکڤەژیانا ئاشتییانە یا ناڤبەرا پێکهاتەیێن کوردستانێ نە و ئەندازیارێن بووژاندنەڤە و ئاڤەدانکرن و پێشکەفتنا کوردستانێ نە.
ل سالیادا شازدەی ئابێ دا، ب شکۆ و ڕێز و پێزانینەکا قویرڤە، یادا دامەزرێنەرێ پارتی، بارزانیێ نەمر و کاک ئیدریسێ هەمیشە ل بیر و سەرکردە و هەمی خەباتکار و شەهیدێن کوردستانێ دکەینەڤە.
هەمیشە شکۆدار بێت یادا شازدەی ئابێ.
مەسرور بارزانی
جێگرێ سەرۆکێ پارتی دیموکراتی کوردستان
2026/8/16