دژە تیرۆرا كوردستانێ ڕاگەهاند، ل بەری سپێدەهییا ئەڤرۆ دوو درۆنێن بۆمبرێژكری ژ جۆرێ (حەدید – 110) ژ ڕەخێ ئیرانێڤە ئاراستەیی بارەگایێ نڤیسینگەها تایبەت یا سەرۆكوەزیرێن هەرێما كوردستانێ و جهێ ڤەحەواندنا ڕێڤەبەرێ ئاژانسا پاراستنێ ل قەزایا پیرمام یا پارێزگەها هەولێرێ هاتنە كرن، خۆشبەختانە چ زیانێن گیانی نەبوون.
هەروەسا دیاركر، ئەو ڤان هێرش و دەست درێژییان ب توندترین شێوە ئیدانە دكەن و ب چ شێوەیان ناهێنە قەبوولكرن، تماما بەرپرسیارەتییا كارڤەدانێن وێ دستۆیێ بكەرێن هێرشێ دایە.
