سەرۆک نێچیرڤان بارزانى د یادا 38 سالییێ یا ئەنفالێن بەهدینان دا راگەهاند سەرۆک نێچیرڤان بارزانى د یادا 38 سالییێ یا ئەنفالێن بەهدینان دا راگەهاند، د دویماهى قۆناغا ئەنفالان دا رژێما وى دەمى یا ئیراقێ خەلکێ سڤیل، ئاڤ، ئاخ، هەوا و ژینگەها دەڤەرا بەهدینان ب چەکێ قەدەغەکرى کرە ئارمانج، یادا هەموو شەهید، قوربانیێن ئەنفالێن بەهدینان و هەمى وان تاوانێن ئەنفالێن کوردستانێ دکەین و سەرێ رێزێ بۆ گیانێ وان یێ پاقژ د چەمینین. سەرۆک نێچیرڤان بارزانى: ● ئەنفال تاوانەکا مەزنە دژى مرۆڤایەتییێ کو ژ ئالییێ دادگەها تاوانێن ئیراقێ ڤە ب جینۆساید ل دژى گەلێ کورد هاتییە ناساندن. ● د ڤێ یادێ دا داخوازییا مە ژ حکومەت ئیراقێ ئەوە کەس و کارێن قوربانییان ژ روویێ مادى و مانەوەى ڤە بهێنە قەرەبووکرن. ● دڤێت بزاڤ بۆ ناساندنا ئەنفالان ل سەر ئاستێ نێڤدەولەتى وەک جینۆساید بەردەوام بیت. ● دڤێت دیرۆکا تاوان و مالوێرانى یا بۆرى ببیتە پەند و وانەیەک بۆ ئیراقێ تا رێگریێ ل دوبارەبوونا هەر جۆرە کارەسات و بنپێکارییەکێ بکەت و مافێن دەستوورى یێن گەلێ کوردستانێ د پاراستى بن. ● دوپاتییێ ل تەبایى، ئێکرێزى و پێکڤەژیانا ئاشتیانە دکەین.
