وەزیرێ ناڤخۆ: داخوازكرییێن گەندەلییێ ڕادەستی بەغدا هاتینە كرن وەزیرێ ناڤخۆ یێ هەرێما كوردستانێ ڕاگەهاند، دبابەتێ دەستەسەركرنا گەندەلكاراندا ئەوان هەماهەنگییا تمام دگەل بەغدا هەیە، هەموو داخوازكری هاتینە ڕادەستكرن.رێبەر ئەحمەد، وەزیرێ ناڤخۆ یێ هەرێما كوردستانێ دیاركر، هەموو ئەو كەسێن ژلایێ دادگەهێ، دەستەیا دەستپاكییێ، وەزارەتا ناڤخۆ و سەرۆكوەزیرێن عیراقێڤە ب تومەتا گەندەلییێ هاتینە داخوازكرن، ئەوان ڕادەستی بەغدا كرینە.ئاماژە ب هندێ ژی دا، ژمارەكا مەزن یا داخوازكری و گەندەلكاران هاتینە دەستەسەركرن و دەست ب سەر مال و مولك و زێر و پارەیێ واندا هاتییە گرتن، ڕادەستی دادگەھێ و لایەنێن پەیوەندیدارێن عیراقێ هاتینەكرن.وەزیرێ ناڤخۆ یێ هەرێمێ دووپاتكر، ئەوان هەماهەنگای و هاریكارییەكا مەزن دڤی بابەتیدا دگەل بەغدا هەیە.
