ل دویماهییا ڤێ هەیڤێ دێ بریارا زێدەکرنا مووچەیێ خانەنشینێن دەستەبەرا جڤاکی کەڤیتە کاری مەریوان بەگۆک، رێڤەبەرێ گشتی یێ دەستەبەرا جڤاکی ل وەزارەتا کار و کاروبارێن جڤاکی راگەهاند: جڤاتا وەزیران رازیبوون ل سەر زێدەکرنا مووچەیێ هزار و هەشت خانەنشینێن دەستەبەرا جڤاکی دایە. هەر ئێکێ مووچەیێ وی د بن 500 هزار دیناران دا بیت، دێ مووچەیێ وی گەهیتە 500 هزار دیناران. رێنمایێن پێدڤی ژ ئالییێ هەردو وەزارەتێن دارایی و کاروبارێن جڤاکی ڤە تەمام بووینە و بتنێ پەسەندکرنا دویماهییێ مایە. ل دویماهییا ڤێ هەیڤێ دێ مووچەیێ وان خانەنشینان ب هاریکارییێن زێدەکری ڤە هێتە دابەشکرن.
