ڕێکخراوا تەندروستییا جیهانی: ژ هەر حەفت کەسان، ئێک کەس تووشی کێشەکا دەروونییە
ڕێکخراوا تەندروستییا جیهانی ڕاگەهاند کو نەخۆشی و ئالۆزیێن دەروونی بووینە ئێک ژ دیارترین کێشێن تەندروستیێن جیهانی.
ڕێکخراوێ ئاشکرا دکەت کو نێزیکی ئێک ژ هەر حەفت کەسان ل سەرتاسەری جیهانێ، کو ژمارا وان دگەهیتە سەروو 1.1 ملیار کەسان، ب دەستێ ئێک ژ جۆرێن ئالۆزیێن دەروونی دناڵین. د ناڤ ڤان ئالۆزیان دا، دلەڕاوکێ و خەمۆکی وەک بەربلاڤترین و باوترین جۆر دهێنە هژمارتن.
ڕێکخراوا تەندروستییا جیهانی جەختێ ل سەر وێ چەندێ دکەت، هەرچەندە ڕێکارێن کاریگەر و چارەسەریێن زانستی بۆ خۆپاراستن و چارەسەرکرنا زۆربەیا کێشەیێن دەروونی هەنە، لێ کێشەیا مەزن ئەوەیە کو زۆربەیا وان کەسانێن پێدڤی ب ڤێ چاڤدێریێ هەیە، نەشێن بگەهنێ.
ئەڤە د دەمەکێ دا دەبیت کو گەلەک ژ تووشبوویان، ژبلی ئازارا نەخۆشییا خۆ، ڕووبەڕووی شەرمەزاریا جڤاکی، جوداکاری و تەنانەت پێشێلکرنا مافێن مرۆڤی ژی دبنەڤە. ئەڤ چەندە بارێ دەروونی یێن وان گرانتر دکەت و ڕێگریێ ژ داخوازییا هاریکاریێ دکەت.