مەكتەبا سیاسییا پارتی دیموكراتی كوردستان پەیامەكا سەرەخۆشییێ ئاراستەیی سەرۆك بارزانی كر.
دەقێ پەیاما مەكتەبا سیاسییا پارتی:
بەرێز جەنابێ سەرۆك بارزانی
دلگران و خەمباربووین ب گوهلێبوونا نووچەیێ وەغەرا دووماهییێ یا كەسایەتییێ دیار و بەرنیاس خۆدێ ژێ ڕازی ( عەبدولواحد ئیبراهیم شێخ عەبدولسەلام بارزانی)، ب دلەكێ پری خەم، هەڤسۆزی و هەڤخەمییا خۆ و هەڤالێن كۆمیتەیا ناڤەندی و پارتییا خۆ ئاراستەیی جەنابێ هەوە و بنەمالا سەربلند و تێكۆشەر یا بارزانی و هەموو دلسۆزێن نیشتیمانی و ڕێبازا پیرۆزا بارزانی دكەین.
ژ دەستدانا وی كەسایەتییێ خۆدان پێگەهێ بلند وەكو نەڤییێ ڕێبەرێ نیشتیمانی و ئایینییێ نەمر ( شێخ عەبدولسەلام بارزانی )، خەمەكا مەزنە بۆ مە و هەموو لایەكی، دووبارە سەرەخۆشییێن خۆ دووپات دكەین و هیڤی خوازین تەمەنێ جەنابێ هەوە درێژ بیت و دووربن ژ خەم و نەخۆشییێن دی، ژ خۆدایێ مەزن دخوازین ڕۆحا پاقژ یا وەغەركری بدانیتە بەر ڕەحم و دلوڤانییا خۆ و ب بەهەشتا بەرین شاد بكەت.