نرخێ بیتکوینەکێ نزیکەی ٨٤ هەزار و ٤٦٠ دۆلارە یە . نرخێ بیتکوینێ، کو مەزنترین دراڤێ دیجیتالی یا جیهانێیە، ئەڤرۆ بەرەڤ بلندبوونێ دچیت و بیتکوینەک ب ٨٤ هەزار و ٤٦٠ دۆلاران دێتە مامەڵەکرن. د ٢٤ کاتژمێرێن بوری دا، نرخێ بیتکوینێ دناڤبەرا ٨٣ هەزار و ٢٣٠ دۆلار و ٨٤ هەزار و ٦٦٠ دۆلاران دا هاتییە مامەڵەکرن. د ماوەیا هەفتەیەکێ دا، نرخێ بیتکوینێ نزیکی ٣.٦٤٪ بلندبوونەک بخۆڤە دیتیە. د دوو هەفتیان دا ژی، نرخێ بیتکوینێ ب ڕێژەیا ٨.٨٥٪ بلندبوویە؛ ئەڤە ڕێژەیەکا بەرچاڤە. بەپێی شارەزایێن دراڤێن دیجیتالی، ئەڤە نیشانەیە کو بلندبوونێن نرخێ بیتکوینێ د چەند هەفتەیێن بوری دا هێشتا هێزا وان نەکەم بوویە و ب ئەگەریەکا زۆر، ئەڤ دراڤا دیجیتالی دکاریت پاراستنا ئاستێن بلندتر ژی بکەت. د ڕۆژێن پشوویێن هەفتەیا بوری دا، ب بەهایێ ٢٧ ملیار دۆلار مامەڵە ب بیتکوینێ ڤە هاتییە کرن و قەبارەیا بازاڕێ بیتکوینێ نوکە گەهشتییە ١.٦٩ تریلیۆن دۆلاران. شرۆڤەکارێن بازاڕێ دراڤێن دیجیتالی دبارەی نرخێ بیتکوینێ دا باوەریا وان ئەوەیە کو ئاستێ ٨٣ هەزار دۆلاران بۆ نرخێ بیتکوینێ ئاستەکێ گرنگە و پێدڤییە چاڤدێری لێ بهێتە کرن، دا بزانرێ ئایا دکاریت پاراستنا وی ئاستی بکەت یان نا. ئەگەر ئەڤە ڕووبدەت، ب ئەگەریەکا زۆر نرخێ بیتکوینێ دکاریت بگەهیتە ئاستێن ٨٥ هەزار و ٨٦ هەزار دۆلاران.
