دەسپێکێ زور یا فەرە مامۆستا گرنگیێ ب “زمانی” بدەت ،وەک دینەمویێ پڕوسێسا فێربوونێ و فێرکرنێ، بۆ وەرگرتنا زانیارییان و دان و ستاندنێ و خاندن و نڤیسینێ، هەر ژ قوناغێن دەسپێکا فێربوونا خاندن ونڤیسینێ هەتا کو قۆناغا ئامادەیی، ژ بابەتێن ڕێنڤیس و داڕشتن و یاسا و ڕێسایێن ڕێزمانێ . (ئەڤ خاڵە ب تایبەت بۆ بسپورێ زمانێ کوردیێ).
✔️ باش نڤیسی (الخَط) : باش نڤیسی و خەتێ جوان ڕوویەکێ دییە ژ پڕوسێسا فێربوونێ ،پێدڤییە مامۆستا گرنگی و بایەخێ پێبدەت، چونکە هەم دێ مامۆستا باشتر وانەیێ گەهینیت ئەگەر جوانکاری دنڤیسینا ویدا هەبیت ، دیسان دێ قوتابی پتر خۆشیێ ژ بابەتی بەن و باشتر تێگەهن ئەگەر خەتێ وان ژی یێ جوان بیت ،چ بۆ نڤیسینا بابەتێن قوتابخانێ یان دەرەکی بیت، یان بۆ دەفتەرێن ئەزموونان بن ل دەمێ بەرسڤدانێ، باش نڤیسی پشکەکە ژ “هونەرێن جوان” .
✔️ پلانا ساڵانە و ڕۆژانە :دڤێت دەسپێکا دەوامێ مامۆستا پلانەکا موکم بۆ ماددەیێ خۆ(بسپورییا خۆ) بدانیت، داکو ب درێژاهییا ساڵێ لدیڤ وێ پلانێ بچیت و سەرکەفتی بیت، بۆ ڕوژانێت دەوام و پشکێن پەرتووکێ و هەردوو وەرزێن خواندنێ .
✔️ کەسایەتی و کارامەییا مامۆستای : ئەڤە دوو لایەنێن گرنگن دڤێت ل جەم مامۆستای هەبن ،چونکە مامۆستا دەمێ دچیتە دناڤ پولێدا دێ ل بەرامبەر ژمارەیەکا قوتابییاندا ڕاوەستیت و وانەیێ بێژیت و دناڤ وان قوتابییان ژی دا پلەیێن جوراو جور یێن عەقلی و ژیری هەنە .
بۆ نموونە شێوازێ ڕەفتارا مامۆستای و هەڵسوکەوت و ڕاوەستیانا وی، دیسان جور و شێوازێ جلوبەرگێن مامۆستای .
هەروەسا ژلایێ بسپوریا خۆڤە یێ کارامە و شاڕەزابیت ،هەروەسا ڕێک و شێوازێن وانەگووتنێ خواندبن و شاڕەزایی تێدا هەبیت ،دیسان ڕۆشنبیرییەکا گشتی ل جەم مامۆستای هەبیت ژ زانیاریێن گشتی، مینا (زانستی، ئاینی ، پەروەردەی ،تەندروستی ، وەرزشی ، زمانەکان …. هتد) .
ب ڤان هەمی کارامەیی شێوازێن سەری دێ مامۆستا پتر سەرکەفتنێ دناڤ پولێدا ئینیت و لسەر ڕێڤەبرنا پولێ دێ یێ زاڵ بیت و بۆ قوتابییان بیتە چاڤلێکەر (قُدوَة) . ژبیرنەکەین مامۆستا ب ستایل و ڕەوشتێ خۆ ڤە کاریگەریێ لسەر قوتابی دکەت و دێ لناڤ ماڵ و جڤاکیدا ل جەم قوتابی ڕەنگڤەدەت.
