بنگەهێ لالش یاداشتنامەک،
ئاراستەی وەزارەتا خواندنا بلند یا هەرێما کوردستانێ کر
سەرۆکێ دەستەیا بلند یێ بنگەهێ لالش، تایبەت بۆ شێخان میدیا راگەهاند، سەبارەت ب فەرمانا مەسرور بارزانی سەرۆکێ حکومەتا هەرێما کوردستانێ یا گرێدایی ب ئاسانکاریێن خواندنێ ل زانکۆ و پەیمانگەهێن کوردستانێ، و خواندنا ماستەر و دکتۆرایێ بۆ قوتابیێن رزگاربوویێن دەستێ داعش ، مە ب فەر یاداشتنامەک کۆ ژ نەهـ خالان پێکهاتیە ئاراستەی وەزارەتا خواندنا بلند ل هەرێما کوردستانێ کر.
سەعید جردۆ، سەرۆکێ دەستەیا بلند یێ بنگەهێ لالش گوت، مەسرور بارزانی، سەرۆکێ حکوومەتا هەرێما کوردستانێ هەمی پشتەڤانی و هەڤکارییا رزگاربوویێن ئێزدی دکەت نوکە ژی دەرگەهێ خواندنێ بۆ رزگاربوویێن ئێزدی هاتیە ڤەکرن ، و دهی ئەم چووینە وەزارەتا خواندنا بلند ل هەرێما کوردستانێ و یاداشتنامەکا 9 خال مە ئاراستەی وەزارەتێ کر سەبارەت ب فەرمانا سەرۆکێ حکوومەتا هەرێما کوردستانێ یا گرێدایی ب خواندنێ بۆ رزگاربوویێن دەستێ داعش ل زانکۆ و پەیمانگەهان هەتا ماستەر و دکتۆرایێ و هەمی قوناغێن خواندنێ، ل سەر فەرمانا سەرۆکێ حکوومەتا هەرێما کوردستانێ هەر ئاسانکارییەکا پێدڤێ بۆ رزگاربوویان دێ هێتە کرن.
ئەوژی بەرچاڤکر، مە وەکۆ بنگەهێ لالش یاداشتنامەک بۆ زێدەتر ئاسانکارییان بۆ قوتابیێن خۆ ئاراستەی وەزارەتێ کر داکۆ ژ دانا پارەیێ پارالێل بهێنە لێبورین و هەروەسا مەرجێن تەمەنی ژی بۆ رزگاربوویێن دەستێ داعش نەمینیت ،و بەشێن نافخویی بهێنە دان بۆ قوتابیێن رزگاربوویێن ئێزدی ژ دەستێن تێرۆرستێن داعش، و هەمی رزگاربوویێن ئێزدی هاتینە لادان ژ قوتابخانەیان دووبارە ڤەگەرنە سەر خواندنێ و تەمەن نابیتە ئاستەنگ بۆ وان داکۆ بشێن بەردەوامیێ ب خواندنا خۆ بدەن ل زانکۆ و پەیمانگەهـ و ماستەر و دکتورایێ، ئەو کورسیێن بۆ رزگاربوویێن دەستێ داعش دهێنە تەرخانکرن بۆ خواندنا ماستەر و دکتۆرایێ ئەڤ هەمی خالە دناڤ یاداشتنامەیا بنگەهێ لالش دا بوون.