ل مالپەرێ “lebanon24” هاتیە بەلاڤکرن، شارەزا ئاماژێ ب وێ چەندێ دکەن کو خارنا سێڤەکێ یا رۆژانە چەندین کارتێکرنێن ئەرێنی ل سەر لەشی دروست دکەت، ب ڤی شێوەی:
١. دەولەمەندە ب ڤیتامین و کانزایان، سێڤێ ڤیتامین سی تێدایە کو بەرگرییا لەشی بهێز دئێخیت و هاریکارییا بەرهەنگاربوونا هەودانان دکەت، پۆتاسیۆم تێدایە کو پشتهڤانییا ساخلەمییا دلی دکەت و هاریکارییا رێکخستنا زەختا خوینێ دکەت.
٢. ریشالێن حەلیایی د ناڤ سێڤێ دا هاریکارییا کێمکرنا ئاستێ کۆلیسترۆلێ خراب (LDL) دکەن، دژە ئۆکسیدێن وەک فلاڤۆنۆیدان خوینبەران دپارێزن و ئەگەرێ تووشبوون ب نەخۆشیێن دلی کێم دکەن.
٣. خارنا بەردەوام یا سێڤان پشکداریێ د دروستبوونا هەڤسەنگییەکا ساخلەم یا بەکتریایێن ب مفا د ناڤ رۆڤیکان دا دکەت.
٤. سێڤێ رێژا کالۆرییان تێدا کێمە، دگەل هندێ ژی ژ ئەگەرێ رێژا ریشالێن تێدا، وسا ل مرۆڤی دکەت بۆ دەمەکێ درێژ هەست ب تێریێ بکەت.
٥. سێڤ مەترسییا تووشبوون ب نەخۆشییا شەکرێ کێم دکەت.
٦. پاراستنا ساخلەمییا مێشکی، مەترسییا تووشبوون ب زەهایمەرێ کێم دکەت.
