سەرۆكێ هەرێما كوردستانێ و بالیۆزێ ئیرانێ ل عیراقێ كۆمبوون
نێچیرڤان بارزانی سەرۆكێ هەرێما كوردستانێ پێشوازی ل محەمەد كازم ئال سادق بالیۆزێ كۆمارا ئیسلامییا ئیرانێ ل عیراقێ كر.
ل دووڤ ڕاگەهاندنا سەرۆكایەتییا هەرێما كوردستانێ، دكۆمبوونا واندا هەردوو لایەنان پەیوەندییێن ئیرانێ دگەل عیراقێ و هەرێما كوردستانێ، ڕەوشا گشتییا عیراقێ، پەیوەندییێن هەولێر – بەغدا و دانوستاندنێن دناڤبەرا واندا بۆ چارەسەركرنا ئاریشەیان گوتوبێژكرن.
د ڕاگەهاندنا سەرۆكایەتییێدا هاتییە، هەردوو لایان دووپاتی ل حەزا دوو لایانە بۆ پێشڤەبرنا پەیوەندییێن هەرێما كوردستانێ و كۆمارا ئیسلامییا ئیرانێ ل سەر بنەمایێ جیرانێن باش و بەرژەوەندییێن هەڤپشك ب تایبەتی د بیاڤێن بازرگانی و ئابووریدا كر.