نێچیرڤان بارزانی پیرۆزباهی ل یانەیا زاخۆ كر
نێچیرڤان بارزانی، سهرۆكێ ههرێما كوردستانێ د پهیامهكێدا پیرۆزباهی ل یانەیا زاخۆ كر.
دهقێ پهیاما سهرۆكێ ههرێما كوردستانێ؛
بهرێزان سەرۆك و دەستەیا کارگێری و جهماوهرێ یانەیا وەرزشی یا زاخۆ ب گەرمی پیرۆزباهییێ ل وی دەستکەڤتییێ جیهانی ل هەوە دکەم کو تێدا جهماوهرێ دلخۆشێن یانەیا زاخۆ ژ لایێ فیفایێ ڤە وەك باشترین و کاریگەرترین جهماوهر ل سەر ئاستێ جیهانێ هاتنە دەستنیشانکرن.
ئەڤ ناڤونیشانێ جیهانی، نە ب تنێ سەركەڤتنەكە بۆ یانەیا زاخۆ، بەلکو شانازییەکە بۆ هەموو بزاڤا وەرزشی ل هەرێما کوردستانێ و عیراقێ.
ههوه ب جۆش و خرۆش و ب شێوازێ شارستانییانە یێ پشتهڤانیكرنێ، یاریگەها خۆ کرە تابلۆيەكا هونەری یا جوان و پەیاما ئاشتی و خۆشتڤی و ژیاندۆستییا گەلێ کوردستانێ گەهاندە جیهانێ.
دلخۆشی و وەفاداریا خەلکێ خۆشتڤییێ زاخۆ بۆ یانەیا وان، نموونەیەكا بلندە. هیڤیدارم ههردهم وەك پیشەنگ بمینن و پشتهڤانێن بهێز بن بۆ پێشکەڤتنا وەرزشێ و بلند ڕاگرتنا ناڤێ کوردستانێ.
دیسان پیرۆزباهییێ ل هەوە دکەم و هەر سەربلند و سەرکەڤتی بن.
نێچیرڤان بارزانی
سەرۆکێ هەرێما کوردستانێ