مەسرور بارزانی و سەرۆكێ مسرێ كۆمبوون
سەرۆكێ مسرێ خۆشحالییا خۆ ب سەرەدانا سەرۆكێ حكومەتا هەرێما كوردستانێ نیشاندا و ئامادەییا وەلاتێ خۆ بۆ پێشڤەبرنا پەیوەندییێن دوو لایانە دووپاتكر.
سەرۆكێ حكومەتێ پەسنا ڕۆلێ مسرێ و سەرۆك سیسی ژ پێخەمەت چەسپاندنا ئاشتی و سەقامگێرییێ ل دەڤەرێ دووپاتكر.
دكۆمبوونێدا دووپاتی ل گرنگییا ب هێزكرنا پەیوەندییێن هەرێما كوردستانێ و مسرێ د بیاڤێن جۆدا دا ب تایبەتی وەبەرهێنان و ئالوگۆرا بازرگانی هاتە كرن، هەردوو لایەن ل سەر گرنگییا پێشڤەبرنا هەماهەنگی و هاریكارییێ بۆ پاراستنا ئاسایش و ئارامییا هەرێما كوردستانێ و عیراقێ و دەڤەرێ د هەڤرابوون.