نێچیرڤان بارزانی، جەژنا مەسیحییان پیرۆز دکەت و د پەیامەکێ دا رادگەهینیت، خویشک و برایێن مەسیحی پێکهاتەیەکا رەسەن و پشکەکا ڤەنەقەتیایی یا دیرۆک و نوکەیی و پاشەرۆژا کوردستانێ نە.
چارشەمبییێ 24ێ کانوونا ئێکێ 2025ێ، نێچیرڤان بارزانی سەرۆکێ هەرێما کوردستانێ د پەیامەکێ دا راگەهاند؛ “جهژنا ژدایكبوونا حهزرهتێ عیسایێ مهسیح (سلاڤێن خودێ ل سهر بن)، ب گهرمى و ژ دل ل وهلاتییێن مه یێن کریستیان ل ههرێما كوردستان، ئیراقێ و جیهانێ پیرۆز دكهم.”
سەرۆک نێچیرڤان بارزانی هیڤی خواست د ڤێ جهژنێ ب خۆشى و شادى و د سەقایەکێ ئارام دا بگێڕن و گۆت: “خویشک و برایێن کریستیان پێكهاتهیهكێ رهسهن و پشكهكا ڤهنەقهتیایی ژ دیرۆک، نوکە و پاشهرۆژا كوردستانێ نه.”
سەرۆک نێچیرڤان بارزانی هەروەسان دازانین؛ “د ڤێ رۆژا پیرۆز دا جارهكا دى پابهندییا ههرێما كوردستانێ ب پاراستنا كلتوورێ دێرین یێ پێكڤهژیانێ، لێبۆرین و ئێكدو قهبویلكرنێ دوپات دكهین.”
سەرۆک نێچیرڤان بارزانی کوردستان وەک پەناگەهەکا ئارام دیارکر و گۆت: “ههوه پشتراست دکەین ههرێما كوردستانێ وهكى ههردەم دێ وەک لاندکەکا ئارام و چەترا كۆمڤەکهر یا ههمى پێكهاتهیان مینیت.”
سەرۆک نێچیرڤان بارزانی ل دویماهییێ ئاماژە ب وێ یەکێ کر، “ئهم ههمى د ڤی نیشتیمانی دا ههڤپشک و ههڤچارهنڤیسین؛ پێكڤه د رۆژێن دژوار دا مه قوربانى داینه و پێكڤه ژى ب تهبایى و ئێكرێزى كار بۆ ئاڤاكرنا پاشهرۆژهكا گهشتر و سهقامگیرتر بۆ نهڤییێن خۆ دكهین. بلا پهیاما ڤێ جهژنێ، پهیاما ئاشتى و حەزژێکرن و كویركرنا برایینیێ بیت د ناڤبهرا مه ههمییان دا.”