ئەگەرێ بەفربارینێ هەیە.

رێڤەبەرییا سەقاناسی و بیڤەلەرزان ل پارێزگەها دهۆکێ راگەهاند؛ سەقایێ سێ رۆژێن بهێت بەلاڤکر ئەگەرێ بەفربارینێ هەیە.
ل گۆرەیی رێڤەبەرییێ سەقایێ پێشبینیکری بۆ رۆژێن ئەیینی، شەمبی، ئێکشەمبی، دوشەمبی دێ ب ڤی رەنگێ ل خوارێ بیت:
ئەیینی
● ل دەڤەرێن چیایی ل دەمێ درەنگی شەڤ دەلیڤەیا بارانبارینەکا سڤک هەیە.
شەمبی
● بارانبارینەکا ناڤەند بۆ توند ل سەر هەمی دەڤەرێن پارێزگەها دهۆکێ ب تایبەتی دەڤەرێن رۆژهەلات و باکورێ رۆژهەلاتێ پارێزگەهێ ( ئامێدییێ، دێرەلۆک، شێلادزێ )، ( ئاکرێ، دینارتە ).
● داکەفتنا پلەیێن گەرمێ دێ بەردەوام بیت.
ئێکشەمبی
● بارانبارینەکا ب رەنگەکێ بەرفرەهتر تایبەت ل سەر دەڤەرێن باکور و باکورێ رۆژهەلاتێ پارێزگەهێ.
● بەفربارین ل سەر دەڤەرێن چیایی یێن سنۆری دێ بەردەوام بیت.
دوشەمبی
● سەقا دێ سەرمایەکا دژوار بیت.
● پێلەکا بەرفەرەھ یا بەفربارینێ دێ دەڤەرێن پارێزگەها دهۆکێ ڤەگریت و ئاستێ بەفربارینێ دێ نزم بیت.
● دهێتە پێشبینیکرن بەفر چیایێن دەروبەرێن سەنتەرێ دهۆکێ ڤەگریت ل گەل بارانبارینەکا تێکهەل (باران و بەفر) ل هندەک دەمان.
● داکەفتنا پلەیێن گەرمێ ب رەنگەکێ بەرچاڤ ل دەمێ روژێ.