ناڤەندا نووچەیان
ب هەلکەفتنا هاتنا سالا نوو یا زایینی 2026، گەرمترین پیرۆزباهیان ل تەمامیا هاونیشتیمانیێن هەرێما کوردستانێ و هەمی کوردستانیان دکەم، و هیڤیا سالەکا تژی ژ شادی و تەناهیێ بۆ وان دخوزم.
سالا بووری، سالا چەندین دەستکەفت و ئەنجامدانی چەندین پڕۆژەیێن گرنگ و ستراتیجی بوو، د هەمان دەم دا سالا ئاستەنگ و ئالنگاریان ژی بوو.
ب پشتهەڤیا خودایێ مەزن و خۆراگریا خەلکێ نیشتیمانپەروەرێ کوردستانێ، سالا بووری مە شیا چاکسازیێن حکومەتا هەرێما کوردستانێ د بوارێن جودا جودا دا، ب تایبەتی ژی دابینکرنا کارەبا بەردەوام و چارەسەرکرنا کێشەیا کێمئاڤیێ و ئاڤاکرنا ڕێگ و بانان و باشترکرنا ژێرخانا دارایی و بانکی ب دووماهی بینین، و یێ بەردەوامین ژی د خزمەتکرنا پتر یا خەلکێ کوردستانێ دا.
هیڤیدارین و دخوازین د دەمەکێ نێزیک دا، کابینەیا نوو یا حکومەتا هەرێما کوردستانێ بهێتە پێکئینان، کو مخابن، ب مەبەست ڕێگری ل پێکئینانا وێ هاتیە کرن.
پێدڤیە ئێدی بەرژەوەندیا بلندا کوردستانێ نەبیتە قوربانیا بەرژەوەندیا چ لایەنان.
هەروەسا ئۆمێدەوارین کابینەیا نوو یا فیدراڵی ژی، د پاشەڕوژەکا نێزیک دا، ل سەر بنەما و ل بەرچافگرتنا پرنسیپێن هەڤپشکی و هەڤسەنگی و سازانێ بهێتە پێکئینان.
سالا نوو ل هەمیان پیرۆز بیت و هەر دەم د شادی و ساخلەمیێ دا بن.
مەسرور بارزانی
سەرۆکێ حکومەتا هەرێما کوردستانێ
2025/12/31