وەزارەتا سامانێن سرۆشتی: نێزیكی 135 ملیۆن لیترێن گازێ ل سەر وەلاتییان هاتینە بەلاڤكرن
وەزارەتا سامانێن سرۆشتی ل حكومەتا هەرێما كوردستانێ ڕاگەهاند، هەتا 4/1/2026ێ نێزیكی 135 ملیۆن لیترێن گازێ ل سەر نێزیكی 674,500 خێزانان ل دەڤەرێن چیایی و دەوروبەران، پارێزگەهـ و ئیدارەیێن سەربەخۆ یێن هەرێمێ هاتینە بەلاڤكرن.
سەبارەت پارێزگەها دهۆكێ ئاشكراكر،18,596,200 لیتر ل سەر 92 هزار 981 خێزانان هاتینە بەلاڤكرن، ڕێژەیا بەلاڤكرنێ گەهشتییە 41%ێ، 122 هزار و 19 خێزان ماینە گازێ وەربگرن.
