بەلاڤکرنا فەرمی: وەزارەتا پەروەردێ ل سووریا رادگەهینیت، کو پێدڤی ب مامۆستایێن زمانێ کوردی هەیە بۆ قوتابخانەیان. ئەڤ دەلیڤەیە هەم بۆ وان مامۆستایانە یێن کو نوکە ل سەر میلاکێ حکومەتێ نە، و هەم ژی بۆ وان کەسانە یێن کو هێشتا نەهاتینە دامەزراندن و ل دەرڤەی میلاکی نە.
مەرج: وەزارەتا پەروەردێ ل سووریا چەند مەرجەک بۆ وەرگرتنا مامۆستایان دانانە. ئێک ژ وان مەرجان هەبوونا باوەرنامەیا دبلۆمێ یان بەکالۆریۆسێ یە. هەروەسا مەرجە کو شارەزاییا تەمام د نڤیسین و ئاخفتنا زمانێ کوردی دا هەبیت و بۆ ڤێ مەبەستێ ژی تاقیکرنەکا نڤیسینێ و زارەکی بۆ وان دهێتە ئەنجامدان. بۆ دەرچوویێن ئامادەییا گشتی ژی، سەرەرای وێ چەندێ کو پێدڤیە زمانێ کوردی بزانن، بەلێ وەکو “یەدەگ” دهێنە دانان.
شێوازێ بجهئینانێ: پێشکێشکرن دێ ب رێکا فۆرمەکا ئۆنلاین بیت. پشتی پێداچوونا زانیارییان، وەزارەت دێ پەیوەندیێ ب وان کەسان کەت یێن کو مەرج تێدا هەبن دا کو پشکداریێ د تاقیکرنان دا بکەن.
پاشبنەما (باکگراوند): رۆژا ١٦ی مەها ئێکێ یا ئەڤساڵ، ئەحمەد شەرع، سەرۆککۆمارێ سووریا مەرسوومەکێ کۆماری یێ تایبەت ب کوردان ڤە ئیمزا کر. د ماددێ سێیێ یێ وی مەرسوومی دا ب روونی دانپێدان ب زمانێ کوردی هاتیە کرن و وەکو زمانەکێ نیشتمانی هاتیە دیارکرن، و ل وان دەڤەرێن کو زۆربەیا ئاکنجیێن وێ کوردن رێ دێ هێتە دان کو ب زمانێ کوردی بخوینن.
وەزارەتا پەروەردێ ل سووریا مامۆستایێن زمانێ کوردی دادمەزرینیت.